SCIAMACHIA

SCIAMACHIA
Graece Σκιαμαχία. Latin. umbratilis pugna, Ep. 117. Senecae Ventilatio, pugnae Gymnasticae olim species fuit, quae sine teils fiebat adeoque monomachiae vel hoplomachiae erat oppsita, ex mente Oribasii. Secundum alios, quâ homo adversus umbram et brachiis et cruribus pugnabat, ut ex Platon discimus, qui et in Apol. et alibi σκιαμαχεῖν de pugnantibus sine adversario dixit. Eosdem tradit Anthyllus, apud Oribasium, non solum cum umbra manibus atque cruribus pugnate, verum etiam adversus columnam, et adversus plaum aut murum, nec non aliquando summis pedibus pugiles imitari et interdum tamquam salientes, interdum tamquam pedibus cedentes, certare solitos fuisse: inprimis cum adversarius deerat, aut exercendus adeo delicatus erat, ut non posset minimum quid damni pati. Quorum prius innuit Plato de Leg. l. 7. ubi Interpres. Si omnibus animatis et inanimatis careamus, numquid nos ob eorum, qui nobiscum exerceantur, inopiam, adversus nosmet ipso vere umbratili pugnâ decertare audebimus. Et post ipsium Plut. Problem. Conv. 10. ubi Interpres. Sed. video, ut nos iam umbratili pugnâ adversus idola certare paratos. Neque vero mirum, antiquos σκιαμαχῆσαι, seu cum umbris pugnâsse: Nam et his temporibus non pauci sunt, qui ex sepsis, ut exerceantur, adversus aerem pugnis, brachiis armisque certant, vel cum adversarius in promptu non est, vel cum soli esse amant. Quo respiciens Apostolus 1. Cor. c. 9. v. 26. Οὕτω πυκτεύω, inquit, ὡς ουκ ἀέρα δέρων, Ita pugnis certo, non quasi aerem caedens. Sed et teils quandoque istiusmodi exercitationem peractam esse, rationi consentaneum esse, iudicat Hier. Mercurialis de Arte Gymnast. l. 3. c. 4. Vide quoque supra Monamachia. Voss. vero, non opponit Sciamachiam Monomachiae, sed pugnae Gymnasticae duas faciens species, eam quae inter duos, i. e. Μονομαχίαν, et eam, quae inter plures, ad utramque decertatione cum umbra, Athletas praeparatos fuisse, docet, et Σκιαμαχίαν, a pugna cum palo, de quo supra actum, in voce Palus, diversam facit, l. d3 4. Artibus Popul. c. 3. §. 91.

Hofmann J. Lexicon universale. 1698.

Look at other dictionaries:

  • MONAMACHIA — dicta est olim exercitatio, in qua duo inter se utplurimum dimicabant, vel ut ad bellicas pugnas ineundas fortitudinem et peritiam compararent: vel, ut in ludis, Amphitheatris, atque aliis publicis certaminibus coronas victoriae consequerentur,… …   Hofmann J. Lexicon universale

  • GYMNASTICA — Graece Γυμναςτικὴ, Latin. Ars exercitatoria, finitore Galeno l. ad Thras. ἐπιςτήμη ἐςτὶ τῆς εν πᾶσι γυμνασίοις δυν´αμεως, quoe omnium exercitationnum facultates novit. Mercuriali est Facultas quaedam omnium exercitationum facultates contemplans,… …   Hofmann J. Lexicon universale

  • PALAESTRA — I. PALAESTRA Herculis filia, nuditarem obtegendi consuetudinem inter Mulieres, quae cursu aliisque exercebantur, introduxit: quemadmodum Pater eius, ne unquam Athletae in publicum ad certandum sine subligaculis prodirent, instituit; teste Clem.… …   Hofmann J. Lexicon universale

  • VENTILANDI cubantes mos priscus — indigitatur Suetonio, in Aug. c. 82. Vide supra ubi de Flabelliferis, item voce Flabellum, plura vero de hoc verbo ubi de Gladiatoriis ludis, Sciamachia, item in voce Vannus …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.